Պայմաններ և Օգնություն - Butik.am

Ցանկանում եմ պատվեր գրանցել։

Պատվերը կայքում կարող եք գրանցել ինքնուրույն կամ կարող եք դիմել մեզ (ֆեյսբուքյան նամակով)՝ մենք կգրանցենք։


Պատվիրելու համար կանխավճար նախատեսվո՞ւմ է։

Կանխավճար նախատեսված չէ։ Երևանում վճարումը հնարավոր է առաքման ժամանակ, իսկ մարզերի կամ Արցախի դեպքում՝ պատվերը Հայփոստին հանձնելուց առաջ։


Ի՞նչ ժամկետում է իրականացվում պատվերի կատարումը։

Յուրաքանչյուր ապրանքանիշ ունի անհատական կատարման ժամկետ, որը չի գերազանցում 15 աշխատանքային օրը։ Պատվերը կայքում գրանցելուց հետո մեկ աշխատանքային օրվա ընթացքում ստուգվում է առկա քանակը և պատվիրատուին հստակ տեղեկացվում է պատվերի կատարման ժամկետի վերաբերյալ։ 


Ինչպե՞ս հետևել պատվերի կատարման ընթացքին։

Պատվերի կատարման ընթացքին հնարավոր է հետևել Ձեր անձնական էջի «Իմ պատվերները» բաժնում՝ սեղմելով տվյալ պատվերի «Հետևել» կոճակի վրա։


Ինչպե՞ս է կազմակերպվում առաքումը ՀՀ մարզեր։

ՀՀ մարզեր և Արցախ առաքում կազմակերպվում է Հայփոստի միջոցով։ Առաքման տևողությունը միջինում երեք աշխատանքային օր է, իսկ առաքման արժեքը 500 դրամ։


Ես ապրում եմ Դսեղ գյուղում, ինչպե՞ս կարող եմ վճարել պատվերի դիմաց։

Նշված դեպքում, եթե պատվիրատուն չունի բանկային քարտ, Idram վճարային հաշիվ, ապա կարող է ընտրել «Բանկում կամ Հայփոստում» վճարման տարբերակը, մոտենալ մոտակա Հայփոստի բաժանմունք կամ ցանկացած բանկ և փոխանցում կատարել պատվերի դիմաց՝ պարտադիր նշելով պատվերի համարը կամ հեռախոսահամար։


Եթե պատվերը ունենա որակական խնդիր կամ չհամապատասխանի կայքի նկարներին, ապա հնարավո՞ր է վերադարձ։

Պատվերը առաքումից առաջ հնարավորինս ստուգվում է, սակայն որևէ անհամապատասխանության դեպքում հնարավոր է վերադարձ կամ փոխարինում։ Երևանում առաքման ժամանակ անհրաժեշտ է ստուգել պատվերը և վերադարձի (պատվերից հրաժարվելու) ցանկության դեպքում այն վերադարձնել առաքչին։ Առաքչի հեռանալուց հետո պատվերը վերադարձվում է մեր գրասենյակ պատվիրատուի կողմից։ Մարզեր առաքված պատվերը վերադարձվում է Հայփոստի միջոցով՝ հետադարձ հասցեով։


Ինչպե՞ս ստանալ 3 % բոնուս։

Պատվերը ինքնուրույն գրանցելու և սահմանված ժամկետում (7 օր) ստանալու դեպքում Ձեր բոնուսային հաշվին կփոխանցվի տվյալ պատվերի արժեքի 3 % -ը, որը կարող եք օգտագործել հետագա գնումների ընթացքում։ Մարզերի և Արցախի դեպքում նշված գործողությանը ավելանում է նաև վճարման կտրոնի (անդորրագրի) ինքնուրույն կցելը ընթացիկ պատվերին։


Դուք ունե՞ք խանութ, թե՞ միայն օնլայն եք աշխատում։

https://butik.am -ը ինտերնետ խանութ է, այն ֆիզիկապես գործող խանութ չէ,  մեր գրասենյակը գտնվում է Հ․ Հակոբյան 3 հասցեում (Մերգելյան ինստիտուտի մասնաշենք)։

Աշխատանքային օրեր՝ երկուշաբթի - ուրբաթ՝ ժամը 10։00 - 18։00

Հեռախոս՝ 011 55 53 53

Դիրքը քարտեզի վրա ստորև։

Butik.am օնլայն խանութից պատվիրված ապրանքների փոխանակումն ու վերադարձն իրականացվում է «Սպառողների իրավունքների պաշտպանության մասին» ՀՀ օրենքի դրույթներին համապատասխան։

Հետադարձ կապ